Kids Rhymes Poem

Machhali jal ki hai raani,
Jeevan uska hai paani,
Haath lagao, dar jaayegi
Bahaar nikaalo, mar jaayegi..!!

Kids Rhymes Poem

Ek kauwa pyaasa tha
Jug me paani thoda tha
Kauwe ne daala kankar
Paani aaya upar
Kauwe ne piya paani
Khatam hui kahaani..!!

Kids Rhymes Poem

Chunnu, Munnu thhey do bhai,
Rasgule pe hui ladai.
Chunnu bola mai khaunga,
Munnu bola mai khaunga.
Halla sun kar Mummy aayi,
Dono ko ek chapat lagaayi.
Khabhi na ladna,
Kabhi na jaghadna,
Aapas me tum milke rahena

Kids Rhymes Poem

Hey bhagwaan tujhe pranaam!
Tere bacche hum ho sacche
Padh likhenge yogya banenge
Kaam karenge nahin darenge
Nitya badhenge badhe chalenge,
Do vardaan hey bhagwaan!

Kids Rhymes Poem

Aasmaan mein nikle taare
Chandaa maama kitne pyaare.
Sabke man ko bahlaate hai
Nayi chandani chhitkaate hai.

Dekho inki shaan niraali
Soorat kitni bholi bhaali.

Roj savere chhip jaati hai
Jaise humse sharmati hai.

Aao chandaa maama aao
Apne ghar ki baat sunaao.

Kids Rhymes Poem

Aao bhai, khele khel
Chalti hai ab apni rail.
Hum engine hai bhak�bhak karte
Hum dabbe hai chhak-chhak karte.

Seeti deti chalti rail
Kaisaa badhiya hai yeh khel.

Delhi jaane waale aaye
Tanik der mein hum pahoochaye.

Chahe to hum isi rail mein
Jhatpat Calcutta ho aaye.

Ticket-wicket ka kaam nahi hai
Lagtaa kuch bhi daam nahi hai.

Station aaya ruk gayi rail
Hua khatam ab apna khel.

Kids Rhymes Poem

Dekho ek daakiya aaya
Thaila ek haath mein laaya.
Pehne hai woh khaakhi kapde
Chithhi kayi haath mein pakde.
Baat rahaa ghar�ghar mein chithhi
Mujko bhi do laakar chithhi.
Chithhi mein sandesha aaya
Shaadi mein hai hume bulaya.
Shaadi mein sab jayenge hum
Khoob mithai khaayenge hum.

Kids Rhymes Poem

Koyal koyal bol rahi hai
Daal daal par dol rahi hai.
Kuhoo kuhoo ka geet sunaati
Kabhi nahi mere ghar aati.

Aamo ki daalo par gaati
Baccho(n) ke dil ko bahalaati.

Kuhoo kuhoo kar kise bulaati
Kya amma ki yaad sataati?

Yadi hum bhi koyal ban jaate
Udte, phirte, geet sunaate.

Kids Rhymes Poem

Jaldi-jaldi daude aao
Rang birangi kaagaj laao
Sundar si ek naav banaakar
Miljul kar usko teyraao.
Khoob tej chalti yeh naav
Kabhi na thakti apni naav
Aage aage badhati jaati
Paar hume le jaati naav.

Kids Rhymes Poem

Yeh hai meri gudiya raani
Mujse sunti roj kahaani,
Khaati roti peeti paani
Kabhi nahi karti shetaani..!!

Kids Rhymes Poem

Baccho(n) khao kacchi gaajar
Neeboo kheera aur tamaatar
Laal laal tum ban jaaoge
Sundar bacche kehlaaog..!

Kids Rhymes Poem

Sadak bani hai lambi chowdi
Uspe jaati motar da(u)di
Sab bacche patri par aao
Beech sadak pe kabhi na jaao.
Jaaoge to dab jaaoge
Chot lagegi pachtaaoge..!

Kids Rhymes Poem

Gol gol yeh laal tamaatar
Hote jisse gaal tamaatar
Khoon badhaata laal tamaatar
Phoorti laal laal tamaatar
Swasthya banaata laal tamaatar
Mast banaata laal tamaatar
Hum khaayenge laal tamaatar
Ban jaayenge laal tamaatar

Kids Rhymes Poem

Garmi aai garmi aai
Ghar ghar mei(n) yeh pa(n)kha laye
Sabko paas bulaata pa(n)kha
Meethi neend sulaata pa(n)kha
Thandi hawa khilaata pa(n)kha
Bahut aaram hai deta pa(n)kha.

Kids Rhymes Poem

Nanaji ki chadi
Hai kamaal ki badi
Kabhi khoo(n)ti par chadhi
Kabhi zameen par padi
Kutto(n) ko yeh bhagaaye
Nanaji ko sair karaaye..!

Kids Rhymes Poem

Parvat par ki barf safed
Sagar ka hai jhaag safed
Dadaji ke baal safed
Hum sabke hai daa(n)t safed
Doodh safed aur dahi safed
Madamji ki chowk safed.

Kids Rhymes Poem

Mast kalandar kala bandar
Hum baccho(n) ko bhaata hai.
Kich kich daa(n)t dikhaata hai
Kho kho hamei(n) daraata hai.
Mast kalandar kaala bandar
Hum baccho(n) ko bhaata hai.

Kids Rhymes Poem

Kauva bola ka ka ka
Jaaoo(n) to main jaaoo(n) kaha(n)
Bhookha hoo(n) mai(n), kuch to do
Dibba kholo roti do.

Kids Rhymes Poem

Chook chook gaadi kaisi hai?
Door se dekho kaala injun
Teddhi meddhi jaati hai
Koyla paani peeti hai
Jaane kaise jeeti hai
Seeti gaadi ne bajaai
Signal de do mere bhai
Apni madam ko bulao
Madam, come,come,come.